37 ردود على “سواليف آخر الليل كتبتها بالظهر ؟!”

1. حكايتي والزمن قال:
   08 مايو 2009 في الساعة 4:08 م

   إذا كنت ودك تشتري الهدية لصديقة..
   عفواً أقصد خطيبة..
   فأبشر طلبك عندي..
   أما إذا كنت تبي تشتريها لواحد من الربع ويبغى يتزوج فأرسلي على الخاص وأنا أقولك وش تشتريله..
   أما لغير كذا فرح نام أحسلك..
   وخل عنك سواليف القايلة..

2. Jaz قال:
   08 مايو 2009 في الساعة 4:13 م

   الهدايا الهدايا

   مدري :\
   أنا ماعرف للهدايا
   بتابع البوست والردود :\

3. مشغول ..! قال:
   08 مايو 2009 في الساعة 4:20 م

   ابوسطام ..
   انا ما في راسي شي حالياً .. يعني ما عندي شخص ابي اهدي له شي !
   بس حاب تكون عندي أفكار لوقت الأزمات !
   بعدين انت من الأشخاص اللي ما نتخلى عنهم وقت الشدايد يا وحش ..

   جاز ..
   طيب مدامك متحمسه للموضوع .. استشيري بنات الظهران كلهم
   وشوفي وش عندهم من أفكار .. محتاجين

4. امينه \ شتاء أيامي قال:
   08 مايو 2009 في الساعة 7:17 م

   اللحين هذي سوالف آخر الليل؟ أنا قلت بيخربها الولد ولا أحد سمى عليه .

   طيب ..أنا راح أقولك بعض هدايا وصلتني أو أهديتها أو أحد أعرفه سواها .و أنت عليك تنسيق الأشخاص و المناسبة.

   إطار كبير مع صورته.
   قسيمة شراء من محل أو مكتبة جرير مثلا تقدمها في بوكس مرتب و بكذا تضمن أنه بيشتري شيء على ذوقه.
   كوب قهوة ظريف و بجواته نوع الشوكلاته اللي تحبونه.
   خداديه كبيرة.. إما للمكتب للظهر أو للبيت و تعطرها بالعطر اللي تحب يتذكرك فيه الشخص.
   ممممم البيجاما مره ظريفه لأحد قريب منك.
   آيبود و تملاه بالأشياء المفضلة عندك أو حاب تهديها للشخص هذا.
   طاولة أكل صغيرة لشخصين كذا مع طقم صحون رايق و مناديل السفره تبعها وأكواب و مسكات المناديل.
   و دائما ما في أحلى من الورد يوصلك بوقت غير متوقع! في الشغل مثلا يالله ..
   للمواليد ممكن ألبوم صور عليه تصميم كيوت و مقسم على حسب العمر.
   و الكتب دائماً و أبداً ..من أحلى الهدايا اللي توصلني.
   و برضه دائماً الألماس أفضل صديق للبنات :p .

   عموما.. القاعدة عندي أنه إذا جيت تهدي شخص شوف إذا ميزانيته ماااش وقتها أو في مرحلة انقاليه زي زواج أو سفر و عارف أنه محتاج يشتري أشياء كثيره دفعه وحده, أهديه شيء يحتاجه و تفنن في التغليف.
   إذا قريب لك و يهمك بشكل خاص أختر غرض شخصي يستعمله كل بوم و أدمجه بشيء أنت تحبه ويذكره فيك, و شيء ما يخطر بباله ..مو شرط غالي لأن الغلاء هنا مو قضيه بقدر ما هو يحس أنك تتذكره بهالتفاصيل خصوصا البنات أو تهدي شيء غريب و ماهو منتشر أو معروف يعزون هالميزه ههههه الأهم خليك بعيد عن الأشياء المعتاده.
   إذا مناسبة رسمية زواج أو مولود و احترت أو ماعندك وقت أعتقد الفلوس حلوة و تفيد أصحابها دائماً.

   إذا ذكرت شيء رجعت..

5. امينه \ شتاء أيامي قال:
   08 مايو 2009 في الساعة 7:21 م

   ايه نسيت الكاميرات هديه روعه سواء الفيديو أو العاديه. إذا كان ماعنده أو عنده و قديمه . خصوصا للي بيتزوج أو جايه مولود على الطريق ..

6. إحساسـ قال:
   08 مايو 2009 في الساعة 8:23 م

   بما انها بدون قيود ..

   إذا كنت ناوي تهدي فطبيعي راح تعرف اشياء يحبها .. جيبها له <– واحد مسوي ذكي

   بصراحه حالي حال جاز .. ابتابع

7. فرح قال:
   08 مايو 2009 في الساعة 8:36 م

   صدقت إن الهدية أحيان تكون صعب اختيارها
   وتعتمد كثير على المناسبة..
   انا عن نفسي ما قد شريت لأحد ساعة او عطر لأني أحسها مرة مرة رسمية وممكن ما تعجب المهدى إليه P:

   بالنسبة للأصدقاء.. أو الشباب.. فما أفتيك لأني بصراحة أعطي أخواني فلوس وأقولهم روحوا اشتروا إلي تبون

   اما للصديقات.. او الفتاة على قولتك P: .. عادة أنا أشوف وش الشي إلي مرة مرة تبيه البنت.. واكون مخططة من زمان وأجيبه لها.. زي مثلا.. جوال.. بلاك بيري إلي طايحين فيه (ولو إني ما قد شريته لأحد).. لابتوب (هذي دايم بالقطة).. اسوارة أو سلسال من تيفانيز (مافي أي بنت اعرفها ما يعجبها تيفانيز).. هارد ديسك.. دي في ديز لمسلسها المفضل.. gift card من سيفورا للمكياج والخرابيط.. gift card من جرير إذا تحب تقرا.. موبايلي كونكت.. أيبود تتش أو نانو.. تعليقة فضة أو ذهب مطلي على شكل اسمها.. كيكة على شكل شي تحبه أو يعني لها.. ورد (مافي شي زي الورد.. مو شرط أحمر ممكن أي نوع هي تحبه ومعه كرت مميز)

   الأخوات.. أتوقع أي شي بسيط يكون حلو.. يعني مثلا أخوي سافر امريكا قبل كم سنة.. وجاب لي تي شيرت M&Ms من محلهم ومعاه علبه M&Ms .. واخوي الثاني راح لبنان جاب لي كنبه صغيره للجوال حقي مكتوب عليها.. best dentist in the world
   الخوات وسيعات صدر أي شي يفرحهم :$

   اما الأم.. انا دايم يا أشتري لأمي جوال أو أجيب لها قطعة ذهب كشخة تلبسها يوميا.. يعني شي ناعم وحلو

   أحس اهم شي في الهدية إنها تكون personal .. يعني توري الشخص إلي بتهديه إنك تعرفه زين وتعرف وش رح يفرحه.. مو شرط يكون شي غالي.. المهم إنه هدية وبصراحة مجرد إنك فكرت فيه لأجل تجيب له شي هذي أكبر هدية

8. هدوء الكون قال:
   08 مايو 2009 في الساعة 9:06 م

   جميل
   ^_^
   اختي امينه ماخلت شيء ماشاء الله
   افكار حلوة

9. Hanan قال:
   08 مايو 2009 في الساعة 9:33 م

   الهدايا بالنسبة لي موضوع حساس، دائماً احتار في اختيارها
   اغلب الوقت كنت اشتري الهدايا المعتاده، عطور ساعات مجوهرات، بعد فترة احترت لأن مو معقول راح ارجع واهدي نفس نوعية الهدية

   اذا تعرف الشخص مره اكيد راح تعرف وش يحب و وش هي هواياته، تهديه شي يتعلق بهالمجال راح يكون له معنى كبير، يكفي الشعور ان الهديه تتعلق فيه وباللي يحبه

   حاول تنوع بالهدايا، اذا كنت كاتب البوست لاقتراحات هدايا مستقبليه راح تحتار اكثر
   اتبع قلبك واهدي احبابك اللي يحبون ويتمنون ..

10. المطيري قال:
    08 مايو 2009 في الساعة 10:14 م

    والله اخ مشغول بالنسبة للي يستشيرني اعطية شور عدل بخصوص الهدية ..لكن اذا انا بغيت اهدي لـأحد معين اتوهق ولااعرف وش اهدي له..

    اعتقد الدارج واللي متعارف عليه عندي كشخص.. مساعده ماليه .او عمل شئ يسهل امورة ..طبعاً مع الاصدقاء في العمل

    مع اقرب الناس لي مساعدة مبغل مالي كبير ..

    والله يعطينا على قد نواينا .والهدية تزيد المحبة .كما قال الرسول صلى الله عليه وسلم(تهادوا تحابوا) ..

    أما بخصوص هدايا الصديقة (عفوا قصدي الفتاه *_*) بصفه عامه..

    جوال .او سلسال ذهب او اثاث بيت بسيط

    وسلامتك اخوي مشغول ووفقك الله .والله يرزقك يارب.ويصلح قلبك ويهدينا جميع

11. مشغول ..! قال:
    08 مايو 2009 في الساعة 10:54 م

    امينه ..
    من جد أفكار حلوه وبسيطه .. تعجبني حيل هالأفكار ..
    صدقيني هالموضوع بيفتح لي أبواب تعبت اني افتحها ..

    واذا عندك زود .. لا تبخلين ارجعي وهاتي اللي عندك

12. مشغول ..! قال:
    08 مايو 2009 في الساعة 11:08 م

    إحساس ..
    اجل تفرج على الردود .. واذا براسك شي اسدحه هنا

    فرح ..
    كلامك حلو .. بالنسبة للبنات يمكن الخيارات تكون مفتوحه اكثر من الشباب .. لأن الشباب خاصة عندنا بالسعودية شوي صعب
    لأن صعب صعب تحصل شي يكون مناسب لهم .. وانا اتمنى لما اقدم هديه اكيد ابيها تكون مميزة بشكل ما تختفي !

    هدوء الكون ..
    وانتي بعد .. اذا وصلتك افكار لو بعد سنه .. ياليت ترجعين يمكن نستفيد

    حنان ..
    احيان يكون الشخص معرفتك فيه محدوده .. (مثلاً زميل بالعمل) .. وصعب اعرف هواياته !
    لكن ممكن ان الأفكار تجي من السوالف .. بس احيان تصعب علي بوقتها !

    المطيري ..
    تصدق احيان تجيني حالتك .. اعرف أشور على أحد بس لا وصلت عندي اتوهق !؟
    واكيد الهدف من الهدايا .. هي تعبير عن المحبه وتقارب القلوب ..
    تسلم على ردك .. وشاكر لك حضورك المميز

13. layal قال:
    08 مايو 2009 في الساعة 11:28 م

    فكره علي الطاير
    دعوه عشاء لشخصين للمتزوجين
    او ممكن كوبون زياره لنادي صحي او لعمل جلسه استرخاء في صالون وشغلات بنات

14. layal قال:
    08 مايو 2009 في الساعة 11:40 م

    مسباح- طقم حلاقة - منظار - خاتم - طقم مكتب
    وفي حركات بنات بس تحتاج وقت وصبر مثل هديه تجمع فيها امور متنوعه الرابط ما بينها اللون ممكن تكون امور بسيطه بس مجموعها حلو

15. light قال:
    09 مايو 2009 في الساعة 3:58 م

    موضوع الهدايا .. على حسب خبرتي بالهدايا يا أخوي مشغول راح اقسمها على هالأساس :

    مناسبة زواج .. أنا أفضل أن الهدية تكون مبلغ .. طبعاً ما راح تسلمه المبلغ كذا لازم تحطه في علبة وَ تتفنن فيه .. طيب ليش افضل الهدية مبلغ مالي .. لأنهم في اعتقادي انهم بأمس الحاجة للمبلغ أفضل من ان تشتري لهم شئ وَ يكون ثاني اسبقك فيها

    مناسبة نجاح / تخرج .. بإعتقادي هذا الشئ الوحيد اللي ماراح تحتار فيه وَ لو سويت عزيمة لأجل هالمناسبة راح تكون كافية ..

    بعد وعكة صحية .. طبعاً تختلف على حسب الحالة الصحية .. في بعضهم الأفضل تسوي عزيمة بمناسبة سلامته إذا كان شخص قريب مررررررررررره .. أو باقة ورد ( أنا بصراحة تعني لي الكثير خصوصاً ان الحين ديكوراتهم صايره تجنن )

    أما هدايا السفر .. الأفضل أنك تشتري هدايا تذكارية ” السوفنير ” مثل الأشياء اللي تتميز فيه البلد اللي زرته ..

    اما إذا كان ودك تهدي وبس .. فطب و تخير وَ لا تحتار بين العطورات .. كبكات .. محفظة .. تعليقة مفاتيح .. قلم .. كتاب ( للشخص اللي يحب القراءة ) ..

    أما بالنسبة لهدايا البنات اللي يختلف عن الشباب بدال ما تشتري مسباح و كبك اشتر سلسال , حلق , شنطة نسائية محفظة نسائية .. وبس و لا الباقي مافي شئ مختلف

    بس و الله الموضوع حلو ..

16. ماسة زيوس قال:
    09 مايو 2009 في الساعة 9:54 م

    اذا كان الصديق يحب الأشياء التقنية…فُرجت الأجهزة التقنية رائعة وسيفرح بها…
    اذا كان يحب ويعتني بمظهره…طقم قلم مع (كبك أوبزمة)…اذا كان يستخدمها توجد انواع راقية كثيرا..
    شيء للسيارة من الداخل…
    اذا كان متزوج حديثا..اذا سمعت منه عن اشياء ناقصة لم يشتريها بعد ستكون فرصة../مكينة صنع القهوة أو الكابتشينو…/..تحفة شرقية تصلح أن تكون في زاوية..اذا ذهبت الى السوق ستجد أفكار ربما تعجبك…
    في النهاية اذا كان الصديق مقرب جدا..ستعرف تماما مايحب…(:

17. TO0OP قال:
    11 مايو 2009 في الساعة 2:42 ص

    بالعكس أنا أكره أن الهدية تكون ع شكل فلوس
    اولا انه ينساها بسرعة مو مثلا يشتري كاميرا من الفلوس ويقول هذا من مشغول
    بغض النظر لو مثلا أهديته كميرا كل ماشفته بستانس وبفرحة أما الفلوس مدري وين وداها
    >>مدري فهمتوا قصدي ؟.

    أفضل ذهب \
    عطور وهي تختلف حسب النوع يعني كتغيير كعطور باسم القاسم >>زي كذا
    http://www.algamal.net/Images/Articles/Large/fashion1fg.jpg
    >>دعاية مجانية

    برضو لاب توب
    أخوي جابلي من بريطانيا مجموعة شور
    اذا كان الشخص من النوع اللي يقدر الذكريات ممكن درع كرستالي
    أفضل أيضا زي ماذكر اعلاة شي مشهور من البلد اللي جاي منه
    زي أخوي جاي من الهند أهداني بنجابي وساري
    واللي جاي من مصر أهداني جلابية بتطريز يدوي

    وهلم جرااا

18. bona قال:
    11 مايو 2009 في الساعة 4:10 ص

    كــومون ســافا مسيو بزي؟

    ما شاء الله ما آبا آزيد ع الكلام إللي فوق

    بس الهدية ما تكمل حلاوتها إلا بتغليف حلو
    في محل بجده اسمو بيبر مون يغلفلك الهديه بورد طبيعي
    تسير حاجه آليــمه

    

19. شنطة سفر قال:
    12 مايو 2009 في الساعة 1:47 م

    انا بالنسبه لي لازم ينفرد لردي تدوينه خاصه ولا ما اكتب ” تكفين”خخخخخخ
    في البداية هالموضوع يشغل ناس كثير خصوصاً الشباب ” اقصد اللي بمرحله الشباب مو الذكور”
    طبعاً فيه كم شغله ودي اقولها قبل اقول اللست اللي عندي ” بسرعه”
    * اول شئ انا اشارك الاخ اللي يقول انه يعطي افكار بس لما يجي دوره يتوهق انا نفس الحاله
    * ثاني شئ انا ضد ان اعطي اي شخص مبلغ واخليه يشتري الهديه لنفسه لان فكره الهديه هنا تنعدم او بالاصح المفاجاءه لان هي الحلو بالموضوع
    وبعدين انا ما احب الهدايا اللي مصيها تنرمي مثل العطور او الورد الطبيعي او الشوكولا بس لازم نكون اهدينا شئ زي كذا .. بس احيانا في ناس ذوق ” تمدح امثالها” يحتفظون بالعلب للذكرى
    نبدء بسم الله طبعاً اكثر الافكار اخذتها من منتديات وانا ابحث مع عمو قوقو
    1- بالنسبه للشباب لما تهدي شخص احدث طقم ماكينه حلاقه وتكتب\ي عليها كي تظل انيق دائماً \ او كما اعتدنى \او ” حتى تبقى أنيق مدا الحياة ” .
    2-كميرا التصوير الديجيتال ترى كثير حلوه وانا سبق وشفت ناس انبسطوا بهديه مثل كذا .. ورح يتذكرون الشخص اللي اهداهم على كل صوره حلوه يصورونها ..
    ونقدر نكتب عليها
    “هل تريد أن تجعل جزء الثانية يدوم إلى الأبد؟”
    3-ممكن نهدي اي شخص اي بود ونحط فيه اغاني كتب اي شئ حنا حابين ان الشخص يسمعه..
    4-ممكن مسبحه وينحفر عليها كلمه بكل اللغات طبعاً او جمله وينحط في كل خرزه كلمه الى نهايه الخرز ..
    طبعاً اللي توه مشترى سياره جديده ..
    نقدر نهدي ختمه القران لاحد القراء المميزين
    فيينا نشتري مجموعه CDs لفنانه المفضل او مجموعه CDsلتطوير الذات يكون لمدرب كويس عن اداره الوقت او …..
    ممكن ميداليه وشاحن مميز للسياره
    وممكن بعد تلفزيون للسياره
    او ممكن عدت الطوارى ” مدري وش اسمها بالضبط ” اسلاك توصيل السيارات تكون مميزه او كتوب عليها عبارات يتذكر اللي اهداه وهو في حاله طارئه ” بالغصب يتذكرون”
    خلصنا
    نجي للهدايا المشتركه..
    ممكن ناخذ شنطه لاب توب مميزه اذا الشخص يستخدمه كثير
    ممكن الكوب حافظ الحراره اللي ينشحن بالسياره ..
    ممكن فرشاه اسنان مميزه تكون هديه حلوه “لواحد توه مخلع اسنانه” فيه الفرش اللي تنشحن
    ونحفر عليها اسم الشخص ..
    انك تهدي الشخص ديوان لشاعر معين وتحدد له على ابيات وتقددر تعلق على بعض الابيات
    ونقدر نهدي الاشخاص براويز مختلفة الاحجام ونحط فيها صور من تصويرنا ” اذا كان تصويرنا حلو ولا تعذبون خلق الله”
    طبعاً تقريبا لحد هنا قضت افكار الظهيره .. ان شاء الله اكون جبت شئ جديد ..
    ولا انسى اقول ان تغليف الهديه يلعب دور كبير طبعاً انا لقيت اكثر الناس تعجبهم فكره الهدايا المتعدده يعني اكثر ممن هديه في بكس واحد..
    وفيه فكره انك تاخذ صور للشخص في اوضاع مختلفه وتحطها على البكس من الخارج اصلاً الصور لو تنحط في البوم حلو ومثلاً نسوي لها سكرابز ونعلق على كل صوره ونكتب ذكرياتنا في بعض الاماكن هديه بحد ذاتها واحل هديه بعد..

20. شنطة سفر قال:
    12 مايو 2009 في الساعة 2:50 م

    ان يكون ردك طويللللل بشكل ممل شئ مو كويس .. بس لو يكون لك تعليقيين ورا بعض ابد مافيها شئ ..
    بصراحه من اهتمامي بالموضوع وانجذابي لمثل هالمواضيع صار كذا ..
    ولان نسيت اقول ان احلــــــــــــــــى وافضل هديه تهدونها لشخص غالي عليك كثير او توكم تتعرفون عليه او زميل عمل وما تدرون وش تهدونه ..
    وودكم بهديه تكون مميزه ..
    واكيد حتعجب الشخص اللي بنهديه ..
    وبيحتفظ فيها طول ما الله حافظه ..
    اللي
    هي
    .
    .
    .
    .
    .
    .
    المصحف الشريف ..
    طبعاً مافي اغلى من كذا هديه وتنحفظ مع الشخص وين ما راح وين ما جاء ..
    والحين فيه المصاحف المخمليه ومتوفره بكل مكان وباكثر من 5 او 6 الوان ” تسوي اعلان ”
    وطبعاً انا هديه مثل هاذي احبه تكون لشخص بيسافر خصوصاً اللي يسافرون للخارج يدرسون او يشتغلون الزبده انهم بيطولون .. او اللي بيتزوجون ..
    مدري ليش احطها لهالاصناف ..
    واكيد اللي بيته جديد او سيارته جديده .. حلو نهديها لهم ..
    الا على طاري البيوت الجديده ..
    بطرح سؤال ” عادي ”
    اذا اندعيتوا لبيت شخص اول مره تزوره اوشخص تعرفونه بس البيت اصلاً توه جديد وما تدري وش شكل البيت والهديه طبعاً للبيت مو لشخص معين وش تسوون ؟؟؟؟؟لحد يقول لي شئ ناقص او محتاجين له او حد يقول لي شوكولا ” لا تهاوشين”
    اسفه احس مره ثقلتها ” وعد معاد بتشوفوني”

21. مشغول ..! قال:
    13 مايو 2009 في الساعة 12:57 ص

    ليال ..
    بالنسبة للمتزوجين فكرة حلوه الدعوه .. وخاصة انها راح يكون لهم طلعات واجد في البداية .. بس خوفك انك تعطينهم دعوه لمطعم امس رايحين له !

    لايت ..
    أذكر شفت ايميل لواحد كويتي مسوي باقة فلوس على شكل باقة ورد .. وطالعة الفكره حلوه بس من يسويها لي هههه واشين شي ان الفلوس صارت (متعفطه)
    وهالشي حلو بصراحة .. والورد بشكل عام له قيمته بس يعيب الورد انه فترة ويذبل وتنتهي فكرته وميزته ..

    ماسة ..
    على طاري الزواج .. من الاشياء اللي اشتريتها لأخوي (مايكروييف) .. كان له تأثيره وعلى قوله حللت هديتك
    فيه افكار بس انا ابحث عن الجديد والمميز .. فكرة الدعوه لشخصين في مطعم مره حلوه .. بس انا ابي اتوسع
    بالهدايا لغير المتزوجين بعد !

    تووب ..
    الفلوس هذي تجي في وقت انت ما تقدر تشتري شي او يكون مخك مقفل ولا تحصل حل .. الحل الفلوس !
    وخاصة للشخص اللي قريب زواجه ممكن تساعده في تأثيث البيت ..!
    اما الأفكار القديمة (ساعه , عطور وغيره) هل للحين حلوه ومطلوبة بس انا ابحث عن المميز والجديد !
    الاب توب .. فكرة حلوه بس لاتنسين ان الحين صعب تحصلين شخص ما عنده لابتوب !

    بونا ..
    سافا اختي .. اكيد التغليف حلو والمحلات الحين تتفنن في التغليف .. وهالشي مطلوب ومهم اكيد ..
    اما عن المحل اللي في جده .. بصراحة مالي اي علاقة بجدة .. لأني حدي الرياض والشرقية وبس ..

22. مشغول ..! قال:
    13 مايو 2009 في الساعة 1:16 ص

    شنطة سفر ..
    وانا خصصت لك رد خاص لأن ردك كان يبيله بيلة شاهي عشان اركز فيه ..
    من جد افكارك مميزة وحلوه .. والأكثر ميزه انك ارفقتي معها كلمات من جد تعطي الهديه
    رونق خاص ..
    بالنسبة للشباب الأفكار بموضوع السيارة .. حلوه ومميزة .. فكرة الCD ..
    والاشياء المشتركه .. ميزتها في مدتها انه تدوم وهالشي حلو ..
    والتغليف اكيد انه شي مميز ويعطيه جمال اكثر ..
    وموضوع القرآن .. من جد هديه مالها مثيل ومميزة بشكل رائع ..
    اشكرك عليها لأن جد راحت عن بالي .. تسلمين عليها ..
    اما الهديه لما اروح بيت جديد .. والله ممكن اروح بدون هديه بعدين اجيب الهديه
    لأني ما ابي اجيب شي يكون عنده مكرر !
    وخلينا نشوف ردودك اكثر وبدون ثقل ههههه

23. فضاء قال:
    13 مايو 2009 في الساعة 12:50 م

    أعتقد أفضل الهدايا للصديق هو الشيء الذي هو بأمس الحاجة إليه.
    و للأهل كالأم و الأخوات، الهدايا المعنوية وما كر حجمه و خف وزنه و قلت غثاثته!!
    أما للحبيب، فأفضلها الغالي و ابعد عن الرخيص+ الرسائل!

    و خير الكلام ما قلّ و دل يا مشغول!

24. بدر الشايع قال:
    13 مايو 2009 في الساعة 10:30 م

    هلا بييييييييييك على الموضوع الحلو ..
    والله شف يابعدي ماتقدر تحدد هدية معينة وتقول تصلح للجميع ….

    يعني هدية الولادة تختلف عن الزواج وهدية البيت الجديد تختلف عن الوظيفة وهدية الولد تختلف عن البنت والزوجة عن الأولاد والأهل ….

    عموماً هي راجعه على ذكاك وفطنتك وتقدر بأسلوبك تشوف وش محتاج اللي بتهدي له إذا أنت قريب له بقوه وإذا ماتعرف شي عنه فاضربها لعلها تجي قويه له
    مثلاً :
    بطاقة الشراء حلوة وفكرتها جديده , مثلاً بطاقة شراء من مكتبة إذا هو يحب الكتب أو يبي يشري شي ميعن منها وماتدري وشو , أو بطاقة دعوة لمطعم أو تذكرة سفر ( إذا أنت فلوووو )
    موضة الأكواب اشوفه منتشره بالتالي وهي بسيطة وومتعة وتخلي الذكرى مستمره خصوصاً إذا خويك راعي روقان ويحب يشرب في الكوب .<<<< يدوخ على الأكواب
    قطعة قماش جيدة .
    طقم أواني منزلية أو منوعات منزلية ….

    دائماً برأيي الشي الدائم والبسيط أفضل من الغالي اللي يضيع علطول أو ينتهي مثل الورد أو الشوكولا

    دمت محباً ومحبوباً

25. وعد الشدي - مآرب أخرى قال:
    14 مايو 2009 في الساعة 11:43 م

    - أسوء شي أنك تعطي احد فلوس وتقوله جب لك اللي تبي خاصة مستقبلا خطيبتك.
    - الهدايا صعبة لو كان كذا شخص بيهدي لشخص واحد .. عننا احنا فكرنا اننا دائما نشترك بهدية وحدة ذات قيمة ونهديها باسمنا
    - الشخص\المناسبة تحدد احيانا الهدية
    - جرب تحط نفسك مكان صاحب الهدية .. لا تقرر وش تبي هدية .. لكن قرر كيف بتكون طريقتها .. عشان تحبها او لا ..
    - لمن تفكر تشتري هدية لأحد فكر هو وش يبي مو انت وش تبي

    لمن تفكر وش تهدي .. فكر الشخص وش يحب أو وشي اهتمامته..
    لو راعي بر .. جيب صندوق وجمع له اشياء غريبة ومفيدة في طلعات البر ..
    لو راعي قراءات وكتب .. فكر بمجموعة كتب مش متواجدة أو مجموعة كاملة من شي ممكن يهتم فيه..
    لو راعي اجهزة وتقنية .. ..
    ممكن تفكر بكوبون غسيل سيارة فاخر .. <<قد سوتها
    او لو راعي قهوة .. جيب له آلة الكوفي ميكر
    ساكن بيت جديد او توه متزوج .. اي شي من كماليات المطبخ .. بتريحه كثير.. صانعة طعام، ولا خلاطة، ولا طقم حافظات..
    بكذا بترتاح .. من انك تفكر ايش تجيب له ..

    لو كانت بنت نفس القضية .. يمكن يصير صعب تعرف وش تحب .. لكن دائما دائما
    جرب فكرة الصندوق اللي ممكن تجمع فيه كذا شي يهم البنات ..
    هالفكرة انا استخدمها .. وكثير تفيد ..
    لو بنت عروسة .. لو بنت ناجحة .. اي مناسبة ..
    صرت اشتري دائما علب كبيرة هدايا .. وبين فترة وفترة اشتري اشياء بدون مناسبة واجمعها .. مجرد ما تصير عندي مناسبة او بنت تحتاج هدية سهلة .. اجمع فيه العلبة كذا شي .. وهالاشياء مختلفة .. يعني مثلا اشياء للغرفة، للبيت .. ملابس.. عطر .. وطبعا حلويات .. واقلام ملونة ولها اشكال غريبة … تعليقات باسم الشخص. وورق هدايا .. وكلها اسعارها ما تكون غالية .. عموما الناس تفرح لمن تكون الهدية متعددة الاغراض..

    فيه وحدة سوت هالطريقة مع شباب توهم معرسين .. هي ماحبت تهدي البنات (زوجاتهم) لان جاهم هدايا كثير..
    جابت صندوق .. وحطت فيه لكل واحد .. شماغ، وعطر، وكبك ، وقلم، ودهن عود .. ومع العلبة شرت شوكلاتة مارس وسنكرز وهذول اللي يجون صغار..
    من جد المعاريس فرحوا واجد .. اولا لان فيه احد ذكرهم من الحريم .. وثانيا لان جاهم كذا شي بطريقة حلوة ..

    لو كانت المناسبة ولادة أو زواج .. فكر ما تكرر نوع الهدايا ..
    دايما يوصل للوحدة اللي توها والد .. 10 عرببيات، 10 جلاسات، 5 اطقم مدري ايش..
    فلو فكرت وشو الشي اللي يحتاجه الشخص ومحد بيتذكر يجيبه .. او الهدية تكون للاب او الام مو للبيبي .. احنا مرة جمعنا بالصندوق .. هدية للام والاب والجد والجدة والبيبي الجديد .. وطبعا كان شي بسيط .. بس مجرد انك تذكرت كل العاشلة لانه اول حفيد كان له اثر كبير عليهم .. وفرحوا فيها اكثر هدية .. وبالنسبة لهم اغلى من كل اللي تكلف بالحيل ..

    كانت عندي مناسبة ومفروض اهدي لمجموعة بنات هدايا عامة: فكرت كثير وش اهديهم؟
    شي يبونه ويكلفهم ويحتاجونه .. رحت جرير وجمعت: فلاش ميموري: ماوس، باد، طاولة لاب توب، اغلفة لاب توب، واداة تدليك ظهر، مخدات جلوس على الكرسي، لمبات قراءة.. فرحوا فيها كثير .. لانها كانت اشياء يستهلكونها كثير ويبونها ..

    احلى هدية انا اهديتها .. كانت بطاقة وقف القرآن الكريم ..
    كانت لصديقتي وكانت توها والد أول بيبي ..
    وفعلا كان لها اثر .. وقف باسم الولد البيبي طول حياته ..
    فيه وقف للأم .. فأنت كذا سوت خير لصاحب الهدية .. وحسسته بقيمته عندك انك تبي له الخير للاخرة طول حياته ..

    لو اضطريت انك تعطيه فلوس .. قد صارت معنا وجتنا فلوس يوم سكنا البيت الجديد وكان بطريقة مرة حلوة ..
    صرفت البنت الفلوس لفئة وحدة .. وكل خلنا نقول ريال لفته بشريطة ملونة .. وجمعتههم كلهم كل الريالات في علبة حلويات .. مجهزتها عند محل .. وحطت الريالات كلهم في وسط العلبة والحلاو حولها .. كانت من جد شي حلو .. مع اني اكره اللي يعطي فلوس لكنها جابتها بطريقة مميزة ..

    لو كان متزوجين وقريبين لك .. ممكن تهديهم تذاكر سفر.. او حتى قيمة عشا في مطعم سبشل..

    اعرف اني طولت وكأني كتبت بوست جديد .. لكن اخيرا ..
    الهدية لها قيمة مهديها بالنسبة لي ..
    مجرد انه فكر انه يجيب هدية .. وبذل جهد شخصي فيها ولا كانت مجرد هدية مكررة راح تكون قيمتها اكبر ..

    جرب .. مع خواتك اولا عشان تقيس الموضوع .. أو يمكن مع ربعك ..
    لو تذكرت شي ممكن ارجع

26. نورة قال:
    15 مايو 2009 في الساعة 6:14 ص

    صراحة ماقريت الردود لأن ماشاء الله يبيلها يوم كامل

    عن نفسي تختلف طريقتي فالهدية على حسب شخصية الشخص الي بهديه وعلى حسب قوة علاقته فيني .. يعني زمالة دراسة .. زمالة وقرابة .. صديقة مقربه .. خال كبير .. خال بعمري..وهكذا

    حاول قد ماتقدر وقت اختيارك للهدية أنك تحط نفسك مكان الشخص الي بتهديها له وتتوقع شعوره بهالهدية من خلال معرفتك لشخصيته .. يعني في ناس ممكن تهديهم شي غالي بسعره بس مايفرحون فيه زي لما تهديهم شي سعره عادي بس فيه شي معنوي مرة قوي !
    وفيه ناس العكس .. تكون انت عارف انهم يحبون الشي المادي أكثر فحاول تكون هديتك لهم معتمده على هالشي ..

27. مشغول ..! قال:
    15 مايو 2009 في الساعة 6:04 م

    فضاء ..
    بالعكس انا صارت عندي قائمة مميزة .. لو اخليها ملاحظات في الجوال وارجع لها كل فترة
    انا بالعكس ما يهمني سعر الهديه كثر ما يهمني ان الهديه تكون مميزة ويستفاد منها ..
    افرح لما اهدي مثلاً امي جوال .. واشوفها تستخدمه دائماً معها .. يعطيني شعور مميز وحلو ..

    بدر ..
    هلا بأخوي الأنترنتي ..
    صح كلامك بالنسبة بأن كل شخص له هديه خاصة فيه .. وهالشي وداني بستين دهيه على قولتهم
    لما فكرت اشتري هدايا لزملاء العمل .! .. شي يفوق الوصف من ناحية التعب النفسي والتعب الجسدي بعد ..
    اذكر جتني هديه قسيمة مشتريات من كارفور بسعر مره يحمس انك تروح وتتسوق ..
    الهدايا يبيلها افكار مميزة قد ما هي سهله في نظر البعض قد ما هي صعبه في نظر اللي تجيه فجأه ..!
    حالياً لي صديق عزيز جداً وصل من امريكا وبيقعد له شهر .. حاب اني اهدي له شي قبل ما يمشي ..
    وقاعد اشوف وش الشي اللي ممكن يستفيد منه هناك .. ويتذكرني دائماً

    وعد ..
    اني اكون شخص بتجيه هديه .. اكيد انها فكرة مميزة وحلوه .. واحيان يلزمني الوقت اني اخذ شي بسيط
    وسريع .. انا دائماً اللي يخالفني بالاختيار هو الوقت .. يعني يكون ما عندي وقت للأختيار واحيان ما اقدر
    اشتري الا شي بسيط ..
    افكار مره حلوه ولها تأثير وردك هذا يبيله حفظ صم .. وبالنسبة للمتزوجين .. امورهم احيان تكون سهله
    مجرد زيارة للشقه وهي طور التأثيث .. وتساعد في الأختيار .. وتهديهم أثاث مميز أو على قولتك تذاكر سفر
    او حتى دعوه لمطعم .. مره أشكرك على ردك ..

    نوره ..
    يبيلك تقرين الردود .. مره ما قصروا الأخوان هنا .. اعدموني بكمية أفكار حلوهـ ..
    السعر مو مهم .. المهم دائماً هو مدى الفائدة من الهديه المقدمة لهم ..
    صحيح في هدايا تكون بسيطة .. بس يمكن تكون غاليه عليهم ..
    أسعدني وجودك ..

28. احمد عبدالله قال:
    19 مايو 2009 في الساعة 9:04 ص

    هلا مشغول,

    اسف حبيت اكتب تعليق بس يوم قريت كل التعليقات عرفت انه كلامي حيكون مكرر
    ماشاء الله ( شنطة سفر , وعد الشذى , نورة ) ما قصروا الله يوفقهم

    تحياتي لك

    أحمد عبدالله

29. نوفه قال:
    26 مايو 2009 في الساعة 5:53 ص

    أغلب الهدايا اللي أقدمها ما أحب تكون تقليدية

    وش كثرها يعني مثلاً منها طريف كأن يكون أحد الحيوانات الأليفة

    و منها غريب مثل أفتح حساب لأحد الأهل و أحط فيه مبلغ مالي و أهديه اياه

    أو أدفع قسطين للسيارة للي أمون عليهم أطلع بطاقة تأمين طبي يعني يستفيد منها في الحياة أو بطاقة وقف و تبرع و كثير غيرها

    و بعد أسوي خواطري و أطبعها و أشكلها كبطاقات و أحطها في ألبوم الصور

    و خصوصاً للي يحب يقراها و معه كتاب صغير في علبه ملونه و تطلع أحلى هدية

    طبعاً اذا توفرت صور تجمعني مع اللي أهديه حطيتها معها

    و للرجال مجموعة عطور للجسم و البشرة و مرطبات في علبة وحدة

    و مثل ما قالت وعد تكون أشياء منوعه في علبة وحدة مرة يفرح بها الواحد

30. عانديهم قال:
    27 مايو 2009 في الساعة 11:14 م

    هههههههههههههه

    بصرااحه الي جاابو له اربع تلفوناااااااااااات الصرااحه شي ماشاءالله

    حضه حلوووو والله

    وشكرررا

31. ميّ قال:
    30 يونيو 2009 في الساعة 12:29 م

    LOOL

    عجبتني هالجملة !

    قوقل : خوينا عرفتوه هذا اللي نبحث عن اي شي نبيه

    على ماقلت ماقصروا الإخوان .. لكن حسب المناسبة تتحدد الهدية .. وحسب مسافر ولا بالديرة .. احنا صار وايد اكو مشاريع (بزنس) حق هدايا بس ! دور أكيد عندكم بالسعودية : )

    بالتوفيق وان شاء الله ايامكم كلها فرح

32. مشغولة قال:
    20 يوليو 2009 في الساعة 8:30 م

    معليش خلني اضحك هههههههه

    على فكرة لا أذكر اني علقت باللهجة العامية بس هالمرة سماح

    الموضوع قريب إلى الذات ومثل ماقلت بعيد عن الرسمية..

    اعاني نفس المعاناة..

    عشان كذا ماجيت اقترح ^_^ جيت اشارك المعاناة..

    حركة خذ فلوسك واشتر فيها اللي تبي تعتبر حل يريح الضمير! بس ما تنفع مع الكل +_+”

    مافي الا انك تدق على اخ قريب وتسأله فلان وش تتوقع يحتاج هالفتره

    ليش Jaz من الظهران؟ انا من الظهران وهذي طريقتي ^_^ << أطلع برا ؟!

    حكاية الأربع جوالات لو منه بسوي فحص للأربع جوالات ..

    بشوف أحسن جوال مافيه عيوب مصنعية وببيع الباقي ^_^ وبقولهم شكرا وناسه ! << يؤ !!

    /

    تدوينة جميلة!

    تحياتي

33. نوف قال:
    24 أكتوبر 2009 في الساعة 3:43 م

    ماشاء الله سوالف اخر الليل في عز هالقوايل
    اولا بوست حلو استمتعت بقرائه واذا عن الهدايا والله انا نفسي مدري وش اهدي
    لكن فيه اذا لواحد من اخواياكـ ولاشي انصحكـ دائما بالالكتروونيات بشكل عام
    وبس

    تحياتي : نوف عاصم

34. شهد بنت محمد قال:
    15 مارس 2010 في الساعة 9:24 م

    امم اول شيء موضوع يجنن
    دايم اتوهق لا جيت اهدي
    فعشان هيك بقول لكم وش اهدي دايم
    امي
    دايم كتب طبخ ومراية صغنونه حلو شكلها <<تحب المرايات امي
    وكمان اهدياها مواعين واشياء غريبه للمطبخ بحكم انو هذا ميولها

    وابوي
    دايم دايم اشياء من السنيدي حق البر ودار موجه اعطي اخوي فلوس يروح يشتري له ويعطيني اعطيه

    اختي الجامعيه
    بما ان ميولها ملابس وموضه وياي
    تحب تكشخ بالاشياء الماركه والملابس وكذا
    وذوقها صعععععععب
    فـ اروح معها للسوق واذا عجبها شيء وجت تشتريه ادفع واقولها ذي هديتك

    اخوي
    اشتريت له مكتبه كتب بما ان كتبه مجدعه بكل درج
    وبكل مناسبه اذا ماعرفت وش كان يبحتاج جبت له كتاب
    اذكر مره طاح بعلي الطنطاوي جبت له مجموعه من جرير بـ 280
    ياهو استانس عليها
    صرت مااشوفه بـس بغرفه يغرفته يقراء

    عماتي وجداتي وباقـي الاهل والاصحاب على امي هدياهم
    اهم شيء امي وابوي واختي واخوي
    والباقي مالي خلق افكر

    وراح اتكلم عن الاشياء اللي احب يجبونها لي
    بجيماات
    ايبود
    افلام
    وخرابـيط اللي مثل كذا
    وللاسف مااذكر ان احد اهداني بحياته ابد ابد
    اللهم مره جابو لي كيكه عشاني تخرجت من المتوسط العام
    والااااب والكااام والبلاك بيري بعد طلعت الروح والترجي وابـي تكفوون ومدري وشو
    جابوها لي
    =(
    ووبص

35. جديد المواقع قال:
    02 مايو 2010 في الساعة 10:32 ص

    اشكرك على هذة المدونة الرائعة

36. بحث الويب قال:
    03 مايو 2010 في الساعة 4:12 م

    شكرا على مجهودك الرائع

37. امل قال:
    27 يونيو 2010 في الساعة 1:08 م

    طبعا وصلت متاخره كثييير بس يمكن ترجع تقرا ردي …

    عندي فكره حلوه

    للمتزوجين مثلا احجزلهم بفندق بيوم ذكرى زواجهم…

    واذا جاي من برا السعوديه احسن شي للبنات شنط ملابس اذا دوله اوروبيه..

    او تحف حلوه …

    وفيه هدايا تجي فجاه بدون سبب معين مثلا لابوك او اخوك صوره قديمه او صوره هو يحبها كثير اخذها وروح كبرها بمحل وبروزها ببرواز حلو وقدمها بيفرررح كثيييررر ….

    وبس..

أكتب رداً:

الاسم (مطلوب)

البريد الإلكتروني (لن يعرض للآخرين) (مطلوب)

الموقع

ادخل ماتراه في الصورة :